[ندعوك للتسجيل في المنتدى أو التعريف بنفسك لمعاينة هذه الصورة]القعدة الزينة ما يخصها غير الكلام الشباب و الفال لي يزيد فالقعدة شباح على شباح ♥ ♥
سجدت سجدة …وصليت على النبي الكريم وتمنيت
ورفدت يدي ودعيت ربي فالخير يجمعنا
انا و حبيبي متفاهمين والناس غارو منا
الله يهديكم يا لي بغيتو تفرقونا
حنا على ربي توكلنا
اعقدو عقدة صحيحة و هاتو رقم من 1 الى 12 على حساب شهر ميلادكم و شوفوا آش قال فالكم
بوقالة شهر جانفي تقول ♥
بدمع الفرح انقولك مبروك اعليك
غدوة عرسك و الحمد لله كتبني ربي ليك
يالحبيبة ساقني مكتوبي ليك
أنتيا لغز المحبة تايه فيك
أنتيا معنى للمحبة تعشق فيك
نتمنا كل السعادة تحت أيديك
[ندعوك للتسجيل في المنتدى أو التعريف بنفسك لمعاينة هذه الصورة]بوقالة شهر فيفري تقول ♥
قلت يا لخريف راك طولت عليا قالي لا تقنطي يالوليا
هاد الزمان يفارق و يلاقي
و الربيع لابد يجي و يلم وراقي
و الظلما لابد يكشفها القمر بنورو الوضاح
اصبري ياك الصبر هو مفتاح الخير
و انشاء الله لفساد يولي صلاح
و تروح هاديك الغمة و قلبك يرتاح
[ندعوك للتسجيل في المنتدى أو التعريف بنفسك لمعاينة هذه الصورة]بوقالة شهر مارس تقول ♥
واش يصبرني علي زينك. با لحبيبة
انتيا وردة عكرية تسبي لعقول
شحال بكيت على سنيني اللي فاتت بلا بيك
ربي يجمع شملي بيك
هاد العام تزهالنا ليام و نفرح بيك
[ندعوك للتسجيل في المنتدى أو التعريف بنفسك لمعاينة هذه الصورة]بوقالة شهر أفريل ♥
غرست ياسمينه في وسط الدار
عروقها سكنجبير و أطرافها نوار
يما يا يما محلى عشق الجار
العين تخز في العين و القلب شاعلة فيه النار
[ندعوك للتسجيل في المنتدى أو التعريف بنفسك لمعاينة هذه الصورة]بوقالة شهر ماي ♥
ما عييت نغضب عليك و نحير كيفاش نواسي
نضلمك و نبكيك نندم و يروح نعاسي
نجي ليك و نرضيك و نبربرك غير باحساسي
حنينة و القلب يبغيك معاك انشاء الله نطلع ساسي
[ندعوك للتسجيل في المنتدى أو التعريف بنفسك لمعاينة هذه الصورة]بوقالة شهر جوان ♥
في عينيك الدّنيا اتْنور
و نولّي عايشْ في اقْصور
او بْساتْن مْليانَة اْزهور
و نْقول السّعد اعْطاني في عينيك انْسافر للْبعيد
و نْعاودْ كلّ شيئ من جديد
[ندعوك للتسجيل في المنتدى أو التعريف بنفسك لمعاينة هذه الصورة]بوقالة شهر جويلية ♥
للي تهواه ساعفو حتى تلقاه
واصبر لجفاه لا يغرك تيهانو
إذا طال مناه لا بد يعطف برضاه لازم العاشق يغنم سلوانو
[ندعوك للتسجيل في المنتدى أو التعريف بنفسك لمعاينة هذه الصورة]بوقالة شهر اوت ♥
يا ريت يوصلهم ندايا ~ يا سامع روح أحكيلهم أقوالي
أنا هوما دايا ودوايا ~ هوما ربحي وراس مالي
هما الذهب و اللي ينكسب ~ هوما الدايمين في لساني
[ندعوك للتسجيل في المنتدى أو التعريف بنفسك لمعاينة هذه الصورة]بوقالة شهر سبتمبر ♥
و ين الطريق اللي فيها محبوبي جيبولي التراب من ثمة نشريه نعمله جعيبة في مكتوبي و إذا مرضو عينيا نكحل بيه حبيبي ما يسمح فيا و أنا ما نسمح فيه
[ندعوك للتسجيل في المنتدى أو التعريف بنفسك لمعاينة هذه الصورة]بوقالة شهر أكتوبر ♥
سبحان من صورك وخلقك فتنة،
ما ولدوك في البهجة ولا في مراكش ولا في فاس
فاتح خدك وسبعة جناس
ورد وياسمين، قرنفل وكياس
ديتي جميع السر واش خليتي للناس
[ندعوك للتسجيل في المنتدى أو التعريف بنفسك لمعاينة هذه الصورة]بوقالة شهر نوفمبر ♥
الي ابغاتو ابغاها ~ ولي اتمناتو لدارو اداها
برضايت باباها سعدها ~ كي الشمعة يضوالها
ولي تفرحلها ~ ان شاء الله اتروح موراها او تدي الي ابغاها
[ندعوك للتسجيل في المنتدى أو التعريف بنفسك لمعاينة هذه الصورة]بوقالة شهر ديسمبر ♥
بدمع الفرح انقولك مبروك اعليك
غدوة عرسك و الحمد لله كتبني ربي ليك
يالحبيبة ساقني مكتوبي ليك
أنتيا لغز المحبة تايه فيك
أنتيا معنى للمحبة تعشق فيك
نتمنا كل السعادة تحت أيديك
[ندعوك للتسجيل في المنتدى أو التعريف بنفسك لمعاينة هذه الصورة] 
موضوع: هاتو رقم من 1 الى 12 على حساب شهر ميلادكم و شوفوا آش قال فالكم 
